Gikuwestiyon ni Senador Rodante Marcoleta ang awtoridad ni kanhi Senador Antonio “Sonny” Trillanes IV nganong miadto siya sa Senado kaniadtong Lunes sa hapon, Mayo 11, aron i-serve ang arrest warrant batok kang Senador Ronald “Bato” dela Rosa.
Wala mouyon si Marcoleta sa tubag ni Trillanes nga nituman lang siya sa hagit ni Bato kaniya nga bisan siya posasan kon i-isyu na ang arrest warrant. Kini subay sa pahayag ni Bato kaniadtong 2024 nga “Go ahead! Make my day, Mr. Trillanes!”
Sa sayo pa, gibadlong ni Marcoleta ang media tungod sa wala pagpangutana kang Trillanes nganong i-serve siya og arrest warrant. Sa dihang gipangutana sa mga tigbalita kon unsa ang katin-awan ni Trillanes, miinsistir si Marcoleta: “Kon moingon si Bato nga mokaon siya ug hugaw, mokaon ba siya?”
Gipakita ni Trillanes ang kopya sa ICC arrest warrant kaniadtong Lunes human si Dela Rosa naumod tungod sa paggukod sa mga agents sa National Bureau of Investigation (NBI).
Pipila ka oras ang milabay, gikumpirma usab sa ICC nga ang Pre-Trial Chamber I nag-isyu gyud sa arrest warrant kaniadtong Nobyembre 2025 ug gi-unseal kini karong Mayo.
Gihatagan sa Senado og protective custody si Dela Rosa, apan misibat siya niadtong Huwebes sa buntag, Mayo 14.
