Nagpasidaan si US President Donald Trump sa Taiwan batok sa pormal nga pagdeklara og independensya gikan sa China human sa iyang pagbisita sa Beijing.
Gipasiugda ni Trump ang importansya sa pagpahinay sa tensyon, apan nagpabilin nga baruganan sa Taiwan nga dili na nila kinahanglan magdeklara tungod kay giisip na nila ang ilang kaugalingon nga usa ka gawasnon nga nasod.
Miingon si Trump nga moabot og 9,500 ka milya ang biyahe sa US aron makig-away sa gubat ug dili niya kini gusto. Hinuon, gusto niya nga mokalma ang tensyon tali sa Taiwan ug China.
Gipaambit ni Trump nga daghan silang gihisgutan ni Xi Jinping kabahin sa Taiwan, apan midumili siya sa pagkumpirma kung depensahan ba sa Amerika ang Taiwan.
Sumala ni Trump, dili usab gusto ni Xi nga adunay gubat.
Mahitungod sa $11 bilyon nga weapons package ug uban pang kasabutan sa armas, miingon si Trump nga iya pa kining desisyunan sa labing madali nga panahon human mokonsulta sa mga lider sa Taiwan
