Gipasiguro sa Philippine National Police nga walay mahitabo nga special treatment sa pagserbisyo sa warrant of arrest sa International Criminal Court batok kang Senator Ronald dela Rosa.
Kini sa higayon nga hingpit nang ipatuman ang pagserbisyo sa arrest warrant batok sa senador.
Sumala kang PNP Chief, PGen. Jose Melencio Nartatez Jr., bisan pa ug kaniadto pa siya ang nahimong chief PNP, tumanon nila ang ilang mandato nga walay kahadlok ug walay pabor, bisan pa sa ilang operasyon o sa pagserbisyo sa warrant of arrest.
Giingon ni Nartatez nga ang PNP kanunay nga andam sa ilang kaugalingon ug sa ilang han-ay sa pag-atubang sa katungdanan aron mapalig-on pa ang ilang operasyon.
Dugang pa niya, hugot usab ang ilang pakigtambayayong sa Department of Justice ug uban pang mga law enforcement agencies aron masiguro nga husto ang pagpatuman sa balaod.
