Ipatuman sa gobyerno ang usa ka inter-agency collaboration sa pagdakop kang Senator Ronald “Bato” Dela Rosa.
Sumala kang NBI Director Atty. Melvin Matibag, magtinabangay ang nagkalain-laing ahensya sa gobyerno sa sunod nga mga lakang kon mapamatud-an nga opisyal nang nakagawas sa nasod o nakabiya na sa premises sa Senado ang senador.
Dugang pa niya, kinahanglan hulaton una ang pinal nga kumpirmasyon sa dili pa magpatuman og bisan unsang aksyon, lakip na ang posibleng manhunt operation.
Kon makumpirma ang paggawas ni Dela Rosa, magpatuman og koordinadong operasyon ang National Bureau of Investigation , Philippine National Police , Department of Justice , ug Philippine Center on Transnational Crime.
Gipasiugda ni Matibag nga makigkoordinar usab ang mga awtoridad sa Office of the President aron masiguro ang legal ug pormal nga tubag sa gobyerno sa dili pa magpagawas og opisyal nga pahayag kalabot sa operasyon.
