Plano sa Department of Social Welfare and Development (DSWD) nga makompleto ang tibuok nasud nga pag-apod-apod sa cash aid para sa mga operator ug drayber sa public utility vehicle (PUV) nga apektado sa kusog nga pagsaka sa presyo sa mga produktong petrolyo.
Target sa ahensya nga makompleto kini sa Mayo 20.
Sumala sa tigpamaba sa DSWD nga si Asec. Irene Dumlao, ang gobyerno sa Pilipinas nakapagawas na og kapin sa P6 bilyon nga ayuda para sa kinatibuk-an nga 1.2 milyon nga mga benepisyaryo sa nagkalain-laing bahin sa nasud. Giya sa Tabang sa OFW
Ang maong datos gilauman nga modaghan pa tungod kay kapin sa 800,000 ka mga drayber ang nagpaabot pa nga makadawat usab sa ayuda sa dili pa ang Mayo 20.
Lakip sa mga gikatakdang makadawat mao ang mga motorcycle taxi ug mga delivery service riders, sugod sa sunod semana.
Gisugdan na sa DSWD ang pag-apod-apod sa cash aid isip tabang sa mga trabahante sa sektor sa transportasyon nga apektado sa sunod-sunod nga pagsaka sa presyo.
Lahi kini sa tabang sa Department of Transportation (DOTr).
