Gilauman karong Lunes Mayo 11 ang usa ka krusyal nga plenary session sa House of Representatives nga motutok sa impeachment complaint batok kang Bise Presidente Sara Duterte.
Matud ni Atty. Dominador Lagare, gilauman nga magkinahanglan og 1/3 nga boto sa tanang kongresista aron mapadayon ug pormal nga ma-impeach ang ikaduhang labing taas nga opisyal sa nasud.
Gipadayag usab niya nga adunay nagkalain-laing posisyon ang mga kongresista bahin sa maong isyu, diin ang uban nagpabor sa pagpadayon sa impeachment, samtang ang uban nagduso sa “No Vote” o dili pagsuporta niini.
Gipasabot ni Lagare nga importante nga timbangon pag-ayo sa mga kongresista ang tanang ebidensya ug argumento sa dili pa mohimo og pinal nga desisyon, isip pagrespeto sa proseso sa demokrasya.
Lakip usab sa ginaatangan sa publiko mao ang posisyon sa mga representante gikan sa General Santos City, lakip na si Congresswoman Shirlyn Bañas-Nograles, nga giingong posibleng adunay papel sa maong boto.
Sa karon, nagpadayon ang pagpaabot sa katawhan sa resulta sa plenary session nga gikatakda karong Mayo 11
