Nagdungan og pagkondena ang mga mambabalaod sa Batangas batok sa alegasyon sa ilang kaubang kongresista nga si Batangas 1st District Representative Leandro Leviste batok nila Executive Secretary Ralph Recto ug Gobernadora Vilma Santos-Recto.
Kahinumdoman, giakusar ni Leviste ang magtiayon og giingong illegal campaign financing, bribery, ug uban pa.
Gipasaka sa mga Batangas lawmakers ang House Resolution No. 994 nga naglangkob sa ilang pagkondena sa akusasyon ni Leviste, ug ilang giingon nga kini walay basehan, dili makatarunganon, ug makadaot nga mga pahayag.
Lima sa unom ka representante sa Batangas ang mipirma niini, lakip si 6th District Rep. Ryan S. Recto, 5th District Rep. Beverly Rose A. Dimacuha, 4th District Rep. Amado Carlos A. Bolilia IV, 3rd District Rep. King George V. Collantes, ug 2nd District Rep. Gerville “Jinky Bitrics” A. Reyes-Luistro.
Sa miaging mga pahayag, giingon ni Leviste nga dagkong kantidad sa pondo ang gigasto sa Batangas panahon sa eleksyon, ug sa ulahi giakusahan niya ang tanang miyembro sa Kamaranga namalit og boto, apan iyang gibawi kini ug giklaro nga dili tanan kongresista ang apil, kondili “pipila” lamang.
