Usa na lang ka daog ang kinahanglan sa Cleveland Cavaliers aron makasulod sa semifinals sa NBA Eastern Conference.
Gipildi sa Cavs ang Raptors pinaagi sa 4th quarter comeback, 125-120, sa pagpanguna nila James Harden ug Evan Mobley nga pareho nakapuntos og 23 points ug 9 rebounds matag usa.
Nagpakita usab og kusgan nga depensa ang duha kay si Harden adunay 2 steals ug 1 block, samtang si Mobley adunay 1 steal ug 3 blocks.
Gibawi sa Cavs ang 8-points nga lamang sa Raptors sa 3rd quarter ug gipugngan ang opensa sa kontra nga 17 points ra sa sulod sa 12 minutos.
Nakatabang usab sa kadaugan ang 19 points matag usa ni Donovan Mitchell ug Dennis Schröder.
Naapektuhan ang Raptors tungod sa kalit nga paggawas ni Brandon Ingram tungod sa kasakit sa iyang tuo nga tiil, samtang si RJ Barrett ang misangpot isip main scorer nga adunay 25 points ug 12 rebounds.
Mobalik ang serye sa homecourt sa Raptors alang sa do-or-die nga Game 6.
