Naghatag og hinabang ang aktres ug host nga si Kim Chiu sa mga drayber sa traysikol isip kabahin sa iyang selebrasyon sa adlawng natawhan, diin siya nanghatag og libreng gasolina ug grocery packs sa mga na-stranded nga drayber.
Sa iyang social media post, gipaambit ni Kim ang simpleng mensahe sa paghatag ug hinabang sa mga drayber sa jeepney ug tricycle samtang daghang mga litrato ug istorya sa mga nakadawat og hinabang ang nigawas gikan sa mga netizens.
Dili kini bag-o alang sa aktres, kinsa nailhan sa iyang tinuig nga mga inisyatibo sa charity atol sa iyang mga adlawng natawhan.
Nakatabang usab siya kaniadto sa mga Aeta sa Zambales ug naghatag og mga construction materials sa mga biktima sa linog sa Cebu.
Daghang mga nakadawat sa hinabang ang nagpahayag sa ilang pasalamat, nga nag-ingon nga ang yano nga suporta sa aktres dako kaayog kahulugan labi na taliwala sa padayon nga pagsaka sa presyo sa gasolina ug sa mga kalisud nga giatubang sa mga drayber.
Si Kim, nagsaulog sa iyang ika-36 nga adlawng natawhan.
