Gikumpirma sa Department of Foreign Affairs nga 78 ka Pilipino nga nabiktima sa human trafficking sa Myanmar ang gipagawas gikan sa gitawag nga scam centers.
Kini sila kaniadto napreso tungod sa mga kaso nga may kalabotan sa immigration sama sa illegal entry ug residency.
Sumala sa DFA, ang Philippine Embassy sa Yangon padayon nga nakig-coordinate sa mga awtoridad sa Myanmar aron masiguro ang paspas, luwas, ug hapsay nga repatriation sa mga Pilipino pabalik sa nasod.
Nagpasalamat usab ang DFA sa gobyerno sa Myanmar tungod sa ilang makatao nga aksyon nga gipatuman sa panahon sa Myanmar New Year (Thingyan).
Giingon sa ahensya nga kini nagpakita sa maayong relasyon tali sa Pilipinas ug Myanmar.
Sa karon, padayon usab ang DMW sa pag-monitor sa mga peke nga job offers ug online scams samtang liboan pa ka Pilipino ang nangayo og tabang alang sa repatriation.
