Gikumpirma ni Department of the Interior and Local Government Secretary Juanito Victor “Jonvic” Remulla nga gipangalanan na sa giingong bagman ni Vice President Sara Duterte nga si Ramil Madriaga ang pipila ka mga kontratadong hitmen nga giingong apil sa plano nga assassination o kudeta batok kang President Ferdinand Marcos Jr.
Sumala kang Remulla, base sa gipanumpaang pahayag ni Madriaga sa impeachment hearing sa Kamara, dugay na kuno nga gikonsidera ang maong plano ug posibleng mosunod pa ang uban pang impormasyon gikan sa dugang testimonya.
Gipasiugda usab niya nga kanunay adunay hulga sa seguridad sa Presidente tungod sa iyang katungdanan isip lider sa nasud.
Apan gihimakak sa kampo ni VP Sara Duterte ang maong alegasyon ug gitawag kini nga “pure fiction” ug walay ebidensiya. Gitugyan na sa Malacañang ngadto sa National Bureau of Investigation kon iimbestigahan ba ang maong mga pahayag.
