Magpahigayon ang House Justice Committee sa Kamara sa Representantes og hearing karong adlawa, aron susihon ang mga verified impeachment complaints batok kang Vice President Sara Duterte.
Sumala sa Kamara, ang maong hearing maglakip sa pagpresenta ug pag-eksamin sa mga ebidensya ug mga dokumento nga gisumite sa reklamo, ug posible usab nga ipatawag ang mga testigo aron hatagan og linaw ang mga alegasyon batok sa Bise Presidente.
Kini nga hearing kabahin sa padayon nga proseso sa impeachment nga gipadayag sa House Justice Committee, human giila nga adunay basehan ang mga reklamo nga gisumite batok kaniya.
Gipaabot nga mahimong importante kini nga yugto sa kaso kay mao ni ang unang higayon nga tuki-on sa komite ang mga ebidensya ug argumento sa duha ka bahin—ang nagreklamo ug ang depensa sa Bise Presidente.
