Giakusaran ni US President Donald Trump ang Iran nga wala nagalihok sa Strait of Hormuz subay sa kun unsa ang ilang naistoryahan.
Sa iyang latest social media post, gitawag ni Trump nga “very poor job” ang ginahimo sa Tehran sa maong Strait samtang gipatuman ang duha ka semana nga ceasefire.
“Iran is doing a very poor job, dishonorable some would say, of allowing Oil to go through the Strait of Hormuz,” sumala sa US President. “That is not the agreement we have!”
Giablihan sa Iran ang Hormuz Strait sukad nagsugod ang ceasefire niadtong Martes sa gabie apan sumala sa ilang kondisyon, kinahanglan una makakuha og lisensya sa ilang armed forces una makalabay.
Sukad nga nagsugod ang ceasefire, sumala sa maritime tracking data, 10 pa lang ka mga barko ang milabay.
Misaka usab ang tensyon sa dihang gipahibalo sa Iran ang usa ka pagpaningil sa mga barko nga moagi.
“There are reports that Iran is charging fees to tankers going through the Hormuz Strait — They better not be and, if they are, they better stop now!” suno kay Trump sa nauna sini nga Truth Social message.
