Nagtanyag ang US State Department og $10 milyon nga ganti alang sa impormasyon sa nahimutangan sa pipila ka importanteng lider sa Iran.
Apil na karon sa listahan ang bag-ong Supreme Leader nga si Mojtaba Khamenei.
Kini kabahin sa Rewards for Justice Program, nga gilunsad isip tubag sa hiniusang pag-atake sa US-Israel sa Iran nga nakapatay kang Ayatollah Ali Khamenei ug uban pang mga senior nga opisyal sa Iran.
Ang US miingon nga ang mga indibidwal nga gihisgutan mao ang mga nagdumala ug adunay direktang awtoridad sa Islamic Revolutionary Guard Corps sa Iran, nga nagplano ug nag-organisar sa terorismo sa tibuok kalibutan.
Ang uban sa mga naa sa listahan sa US State Department naglakip sa: Minister of Intelligence Esmail Khatib; Deputy Chief of Staff Ali Asghar Hejazi; Major-General Yahya Rahim Safavi; Brigadier General Eskandar Momeni ug Secretary sa Supreme Council Ali Larijani.
