Nanawagan si Presidente Ferdinand Marcos Jr. og pagpugong sa mga partido nga nalambigit sa nagpadayon nga panagbangi sa Middle East.
Naglaum usab ang Presidente nga matapos dayon ang panagbangi tali sa Amerika, Israel ug Iran.
Giklaro ni Presidente Marcos nga ang Pilipinas wala nalambigit sa kasamtangang panagbangi ug wala kini kabahin sa bisan unsang habig.
Gipasiugda sa Presidente nga bisan kung gusto sa nasud nga mohunong na ang away, ang mga direktang nalambigit lamang ang makatawag og ceasefire.
Gipahayag usab sa Presidente ang suporta sa mga nasud nga giatake ug naglaum nga matapos dayon ang krisis.
Sa pagkakaron, ang Pilipinas nakig-alayon sa ubang mga lider aron mangayo sa ilang tabang aron masiguro ang kaluwasan sa mga Pilipino sa gawas sa nasud.
Sumala sa Presidente, ang labing importante karon mao ang pagsiguro sa kaluwasan sa atong mga kababayan.
