Gikatakdang mobisita sa Pilipinas si Presidente Lee Jae Myung sa South Korea gikan Marso 3 hangtod 4, 2026, tungod sa imbitasyon ni Presidente Ferdinand Marcos Jr.
Si Presidential Communications Office (PCO) Undersecretary ug Palace Press Officer Claire Castro miingon sa usa ka press briefing sa Malacañang nga kini ang unang pagbisita ni Presidente Lee sa Pilipinas ug ang iyang unang state visit human sa Free Trade Agreement (FTA) tali sa Pilipinas ug sa Republika sa South Korea nga nagsugod niadtong Disyembre 31, 2024.
Si Presidente Marcos ug First Lady Liza Araneta-Marcos modawat kang Lee ug First Lady Kim Hea Kyung sa Malacañang Palace sa Marso 3.
Ang pagbisita ni Lee sa nasud naatol sa ika-44 nga anibersaryo sa pagkatukod sa diplomatikong relasyon tali sa Pilipinas ug South Korea niadtong Marso 1949.
