Russian general samdan human gipusil sa panimalay niini

Usa ka heneral sa militar sa Russia ang nasamdan human gipusil sa Moscow.

Si Lt. Gen. Vladimir Alekseyev naa sa sulod sa iyang residential building sa Volokolamskoye Highway sa Moscow sa dihang gipusil siya sa usa ka wala mailhing suspek.

Si Alekseyev nagsilbi nga deputy head sa Russian military intelligence.

Ang 64-anyos nga si Alekseyev gidala sa ospital nga adunay mga samad pinusilan.

Ang Russian Investigative Committee miadto dayon sa lugar aron imbestigahan ug mahibal-an kung kinsa ang responsable sa insidente.

Giakusahan sa Russian Foreign Minister nga si Sergey Lavrov ang gobyerno sa Ukraine nga mao ang nagpaluyo sa pag-atake.