Wala sa starting lineup ang superstar sa Los Angeles Lakers nga si LeBron James para sa umaabot nga All-Star Game sa Pebrero. Kini ang unang higayon sulod sa halos duha ka dekada nga wala siya mapili isip starter.
Ang iyang kauban sa team nga si Luka Doncic ang nanguna sa Western Conference fan voting, uban sa Denver Nuggets center nga si Nikola Jokic, Oklahoma City Thunder guard nga si Shai Gilgeous-Alexander, San Antonio Spurs center nga si Victor Wembanyama ug Golden State Warriors guard nga si Stephen Curry.
Sa East, ang Milwaukee Bucks forward nga si Giannis Antetokounmpo ang nakakuha sa unang pwesto, kauban ang New York Knicks guard nga si Jalen Brunson, Philadelphia 76ers guard nga si Tyrese Maxey, Detroit Pistons guard nga si Cade Cunningham ug Boston Celtics forward nga si Jaylen Brown.
Sumala pa nga si LeBron naapektuhan sa mga injury ug hinay nga pagsugod sa season, nga misangpot sa pag-ubos sa mga boto sa mga fans.
Sukad sa 2005 All-Star Games, si James napili ug ginganlan nga starter sa rekord nga 21 ka NBA All-Star Games sa iyang karera.
Ang proseso sa pagboto gilangkoban sa tulo ka grupo: boto sa mga fans nga adunay gibug-aton nga 50%, usa ka panel sa mga botante sa media nga adunay 25% ug boto sa mga magdudula nga adunay 25%.
