-- ADVERTISEMENT --
GENSAN – Miapela si Atty. Rowi Malayag, labaw sa Business Permit and Licensing Division (BPLD) sa dakbayan, nga dili na hulaton pa ang deadline sa pag-renew sa business permit.
Nasayran nga ugma na ang katapusang adlaw sa pagbayad, ug ang mga dili makabayad sa tukmang oras pagasilotan og penalty ug short charge.
Matud pa niya, kon molapas sa deadline, mas dako ang kantidad nga bayranon.
Nanghinaut usab ang nasampit nga makarenew ang kapin sa 13,000 ka mga negosyo nga narehistro sa miaging tuig.
Gipasalamatan niya ang mga bag-ong negosyo nga nagkuha og business permit aron mahimong legal ug hapsay ang ilang pagnegosyo sa siyudad.
-- ADVERTISEMENT --
