Gikumpirma sa Philippine Coast Guard (PCG) nga nakit-an ang mga debris sa rocket nga adunay bandila sa China nga naglutaw-lutaw sa baybayon sa Pangutaran, Sulu.
Sa usa ka pahayag niadtong Sabado, Enero 3, gitaho sa PCG nga gibira sa mga lokal nga mangingisda ang mga debris sa rocket duol sa Barangay Suang Bunah.
Ang mga debris sa rocket anaa na karon sa kustodiya sa barangay.
Sumala sa PCG, ang Coast Guard Station Western Sulu nakig-alayon sa mga opisyal sa barangay alang sa posibleng pagbalhin sa mga debris ngadto sa kustodiya sa ahensya alang sa hustong pagdumala ug disposisyon.
Niining bahina, giawhag sa ahensya ang publiko nga ireport dayon ang bisan unsang dili kasagaran nga mga butang nga makita sa dagat ngadto sa mga awtoridad aron masiguro ang kaluwasan sa publiko.
