Beyonce anaa na sa billionaire’s list sa Forbes

Nalakip ang sikat nga mag-aawit nga si Beyonce sa listahan sa mga bilyonaryo sa Forbes Magazine.

Sumala sa Forbes, siya ang ikalima nga musikero nga naa sa listahan sa mga bilyonaryo, nga naglakip sa iyang bana nga si Jay-Z, Taylor Swift, Bruce Springsteen ug Rihanna.

Ang bahandi ni Beyonce tungod sa kalampusan sa iyang World Tour, nga nakaganansya og $600 milyon.

Gipagawas usab niya ang album nga “Cowboy Carter” niadtong 2024, nga nakadaog og Grammy alang sa pinakamaayong country album.

Giisip siya nga ikatulo nga labing taas og sweldo nga musikero sa kalibutan nga adunay net worth nga $148 milyon.

Wala gibutyag sa Forbes ang kinatibuk-ang bahandi sa 44-anyos nga kanhi miyembro sa Destiny’s Child.