2 patay human naligsan ug gidunggab sa Israel

Duha ka tawo ang namatay human gidunggab sa amihanang Israel.

Matod sa pulis, gibanggaan sa suspek ang biktima sa Beit Shean City sa wala pa niya dunggaba ang usa ka babaye.

Gipusil ug gipatay ang suspek sa mga sibilyan human sa insidente.

Nasayran sa mga awtoridad nga ang suspek nagpuyo sa Qabatiya sa amihanang West Bank.

Sa kinatibuk-an, ang 68 anyos nga lalaki nga biktima namatay sa pag-atake samtang usa ka 16 anyos nga batang lalaki ang nasamdan sa Beit Shean.

Usa ka 18 anyos nga babaye ang namatay sa pagdunggab sa Ein Harod.

Tungod niini, ang Israel Defense Forces (IDF) nangandam sa pagpahigayon og operasyon sa lugar sa Qabatiya aron pangitaon ang pipila sa mga kauban sa suspek.