Nagpositibo sa mga tambal nga anti-depressant ang patayng lawas sa namatay nga kanhi Undersecretary sa Department of Public Works and Highways (DPWH) nga si Catalina Cabral.
Kini ang gibutyag sa inisyal nga toxicology report sa Philippine National Police (PNP).
Sumala sa pasiunang laboratory report gikan sa PNP Regional Forensic Unit–Cordillera Administrative Region, nagpositibo siya sa citalopram, usa ka klase sa tambal nga antidepressant.
Ang maong tambal usa usab sa mga tambal nga nakuha sa pulis atol sa ilang pag-raid sa kwarto sa hotel sa Baguio City diin siya nagpuyo.
Wala usab silay nakitang bisan unsang histopathological examination o mga sakit nga may kalabutan sa terminal diseases sa lawas sa kanhi opisyal.
Si Interior Secretary Jonvic Remulla sa sayo pa miingon nga base sa ilang inisyal nga imbestigasyon, ang kanhi opisyal sa DPWH naghikog.
