Gisentensiyahan ang usa ka Pari og reclusion perpetua o 20 hangtod 40 ka tuig nga pagkabilanggo sa matag ihap sa ‘rape’ tungod sa pag-abuso sa usa ka 16-anyos nga estudyante.
Ang pari nga si Padre Mark E. Batolne gisentensiyahan ni Presiding Judge Modesto D. Bahul Jr. sa Regional Trial Court Branch 2.
Nahitabo ang pag-abuso sa lawak diin nagpuyo ang dalaga sulod sa compound sa Diocese of Baguio niadtong Marso 2023.
Niadtong panahona, si Batolne ang finance administrator sa Diocese of Baguio.
Ang pari napamatud-an nga sad-an ubos sa Articles 266-A ug 266-B sa Revised Penal Code diin napamatud-an nga migamit kini og sundang aron hulgaon ang dalaga.
Ang pagpahimulos sa Marso 2023 nahitabo unom ka beses.
Sa matag kaso, ang iyang sentensiya katumbas sa 20 ka tuig nga pagkabilanggo ug ang iyang sentensiya palugwayan ngadto sa total nga 120 ka tuig.
Gawas sa pagkapriso, baydan usab niini ang ₱225,000 isip danyos sa biktima.
