Napasar na sa Senado ang gisugyot nga P6.793 trilyon nga nasudnong badyet para sa tuig 2026 sa ikaduhang pagbasa.
Human sa taas nga interpellation ni Senate Minority Leader Alan Peter Cayetano, ang General Appropriations Bill (GAB) sa katapusan napasar na sa ikaduhang pagbasa sa wala pa ang alas 6 sa gabii sa Huwebes, Disyembre 4.
Target sa Senado nga mapasar ang badyet sa ikatulo ug katapusang pagbasa sa Disyembre 9.
Human niini, ipahigayon ang bicameral deliberation sa sunod semana.
Mahinumduman nga adunay mga pag-usab sa pipila ka bahin sa nasudnong badyet sama sa pagkunhod sa Foreign Assisted Projects, pagdugang sa National Disaster Risk Reduction and Management Fund ug ang pagbalik sa 4Ps Program ngadto sa National Expenditure Program (NEP) level sa kantidad nga P11.17-bilyon.
