Nibalik sa entablado ang iconic pop group nga SexBomb Girls nga puno sa singgit atol sa ilang “Get Get Aw! The SexBomb Concert” kagabiee, Disyembre 4 sa Smart Araneta Coliseum.
Sumala pa nga napuno ang Big Dome alang sa pinakainit nga reunion show sa Filipino girl group nga gipangulohan ni Rochelle Pangilinan.
Nangalipay ang mga fans sa dihang gibuksan sa grupo ang show gamit ang usa ka kusgan nga remix sa hit ni Tom Jones nga “Sexbomb.”
Pagsugod dayon sa pagpatugtog sa kanta, nagsugod na og cheer ang mga tawo ug daw nibalik na ang sayong bahin sa 2000s!
Ug siyempre, wala kapugngi ni Rochelle ang iyang kadasig, dayon nga gibomba ang iyang kusog gamit ang iyang opening dance number ug gisinggit ang iyang madanihon nga “Get Get Aw!”
Gipamatud-an nila pag-usab nga buhi pa ang SexBomb fever samtang ilang gipabbilib ang mga tumatan-aw.
Natukod niadtong 1999, ang SexBomb Girls unang nisikat isip mga dancers sa noontime variety show nga “Eat Bulaga!” sa wala pa sila makahimo og marka sa industriya sa musika isip mga recording artist.
Pipila sa ilang mga sikat nga kanta naglakip sa “The Spaghetti Song”, “Bakit Papa?”, “Di Ko Na Mapipigilan” ug “Halukay Ube”.
