GENSAN– Gilayong girespondihan sa ginsakpan sa TEU og taga Brgy BUla ang natigayon nga pagbanggaanay sa duha ka traysikol sa entrada nga bahin sa Phase Gensanville Subdivision Bula ning dakbayan.
Nasuta nga pasado alas dose sa udto kini nahitabo nga gilambigit sa duha ka pulos kolorum nga traysikol.
Ang usa nga traysikol ang paggawas gikan sa entrada sa Phase 1 Gensanville Subdivision Bula og sumala sa mga nakakita nga kusog ang padagan niini og nabanggaan ang kasugat nga traysikol paingon sa Asinan Bula gikan sa downtown .
Matud ni Amad Palaw, driver sa traysikol nga paingon sa Asinan nga kusog kaayo ang padagan sa ka-engkwentro nga traysikol.
Tungod sa hitabo, nadala sa ospital ang iyang ig-agaw og pag-umangkon human nga nabalintong ang ilang traysikol.
Samtang nabalintong usab ang nakabanggaanay niining traysikol apan walay sakay.
