Usa sa mga National Guard nga gipusil, nitaliwan na

Usa sa mga miyembro sa National Guard nga gipusil sa Washington DC namatay.

Gikumpirma ni US President Donald Trump ang kamatayon sa 20-anyos nga si Sarah Beckstrom tungod sa lawom nga mga samad nga iyang naangkon.

Samtang ang 24-anyos nga si Andrew Wolfe nagpadayon sa pakigbisog alang sa iyang kinabuhi.

Mahinumduman nga ang duha gipusil sa 29-anyos nga suspek nga si Rahmanullah Lakanwal samtang naa sa Farragut Square sa downtown DC.

Ang suspek gidakop ug gikatakdang pasakaan og kaso sa pagpatay sa unang ang-ang.