GENSAN – Gipahibalo ni Atty. Jong Gonzales ang labaw sa Public Safety Office (PSO), nga magsugod na karong semana ang konstruksyon sa Access Road gikan sa Jollibee Junction.
Lakip niini ang paglimpyo ug pagsemento sa lined canal (drainage) ug sa access road mismo, nga gilauman nga mohatag ug mas organisado ug luwas nga dalan sa paghuman sa proyekto.
Gipasabot sa PSO nga ang temporaryong kalisod sa trapiko mahimong masulbad kung mag-uban ang publiko sa pagsabot ug kooperasyon, tungod kay ang mga proyekto gilaraw para sa mas maayong dalan ug mas episyenteng paglihok sa mga motorista sa umaabot.
Busa, gihangyo sa lokal nga gobyerno ilabi na ang PSO ang tanang motorista ug pedestrian nga magmatngon, magpasensya, ug mosunod sa mga traffic signs ug mga instruksyon sa traffic enforcers aron malikayan ang aksidente ug masiguro ang hapsay nga trapiko.
