Indian pilot patay ahuman mahagsa ang eroplano sa airshow sa Dubai

Usa ka piloto sa fighter jet sa India ang namatay human kini nahagsa atol sa usa ka airshow sa Dubai.

Ang Indian Air Force miingon nga usa ka Tejas jet sa Hindustan Aeronautics Ltds ang nahagsa atol sa usa ka airshow.

Ang Indian Air Force nagpahayag sa ilang pahasubo sa mga pamilya sa mga biktima. Giimbestigahan sa mga awtoridad ang hinungdan sa pagkahagsa.

Ang Dubai Airshow 2025 gitambongan sa kapin sa 148,000 ka mga tawo ug giapilan sa 1,500 ka mga exhibitors.

Ang aksidente nahitabo sa katapusang adlaw sa airshow, nga nagsugod niadtong Lunes ug gipahigayon sa Al Maktoum International Airport.