-- ADVERTISEMENT --
Nahagsa ang usa ka cargo plane sa UPS human sa pag-takeoff gikan sa Louisville International Airport sa Kentucky niadtong Martes sa hapon, Nobyembre 4, lokal nga oras, nga miresulta sa dakong sunog.
Tulo ka tawo ang kumpirmadong patay ug 11 pa ang nasamdan sa insidente.
Subay niini, gilauman nga mosaka pa ang ihap sa mga namatay.
Sumala sa kompanya sa pagpadala sa US, tulo ka tripulante sa cargo plane ang wala pa mailhi.
Samtang sumala sa Federal Aviation Administration, ang UPS Flight 2976 padulong na sa Hawaii sa dihang nahitabo ang trahedya. Nagdala kini og 380,000 ka galon nga gasolina nga may gibug-aton nga 220,000 ka libra.
-- ADVERTISEMENT --
