Nagpahibalo ang Civil Aviation Authority of the Philippines (CAAP) nga gibutang niini ang tanang mga tugpahanan sa nasud sa heightened alert isip pagpangandam sa gipaabot nga pagdagsa sa mga pasahero atol sa umaabot nga Undas 2025.
Sumala sa CAAP, gibanabana nga 5.8 milyon nga mga pasahero ang molupad gikan Oktubre hangtod Nobyembre, usa ka milyon nga mas taas kaysa sa 4.8 milyon nga mga pasahero nga natala sa 2024.
Gidugang sa ahensya nga adunay mga Malasakit Help Desk sa matag tugpahanan, hugot nga seguridad, ug mga standby medical team alang sa mga emerhensya.
Nakigtambayayong usab ang CAAP sa PNP Aviation Security Unit, Office for Transportation Security, Department of Tourism, Civil Aeronautics Board, ug mga airline aron masiguro ang hapsay nga operasyon sa tugpahanan.
Gitambagan usab sa CAAP ang mga pasahero nga sundon ang mga giya sa tugpahanan aron malikayan ang mga pagkalangan ug kahasol sa ubang mga magpapanaw.
Kini nga lakang nahiuyon sa Oplan Biyaheng Ayos: Undas 2025 sa Department of Transportation, nga molungtad gikan sa Oktubre 30 hangtod Nobyembre 4, 2025.
