GENSAN – Misaka sa 114 ka kaso sa vehicular incident ang natala sa dakbayan sulod sa buwan sa Oktubre kini ang gibutyag ni PLTCOL. Patrich Elma, Station Commander sa Traffic Enforcement Unit (TEU) .
Sa maong ihap, upat (4) niini ang nahimong fatal. Matod pa ni Elma, duha ang pinakapangunang hinungdan sa mga disgrasya mao ang over speeding ug bad turning, nga nagpabilin nga kalihokan nga kinahanglan bantayan sa mga drayber.
Dugang pa niya, ang mga motorsiklo ang kasagarang nalambigit sa mga aksidente, nga nagpakita usab sa pinakataas nga numero base sa kasamtangang statistics sa TEU.
Giawhag ni Elma ang tanan nga motorista nga magmatinumanon sa mga balaod sa trapiko, magpugong sa sobrang pagpadagan, ug magmatngon sa pagliko aron malikayan ang dugang nga aksidente sa kalsada.
