Patay ang duha ka tawo human nalampas sa runway og nagdiretso sa dagat ang usa ka cargo plane nga magtugpa unta sa Hong Kong International Airport.
Gikan ang Boeing 747 freighter sa Dubai og nag-abot sa Hong Kong alas 3:50 kaganihang kaadlawon.
Base sa gi-release nga mga hulagway, makit-an nga anaa duol sa seawall ang parte sa lawas sa eroplano.
Sumala sa international airport, nakaluwas ang upat ka crew members nga sakay sa aircraft (flight EK9788).
Ang mga napatay, base sa local reports, mao ang duha ka tawo nga anaa sa ground vehicle nga naigo sa aircraft.
“[The aircraft had] deviated from the north runway after landing and ditched into the sea,” base sa paathag sang Civil Aviation Department.
“Two ground staff were affected and fell into the sea,” sumala pa sa department.
Gisirado anay ang northern runway samtang nagpabilin usab nga abli og padayon ang operasyon sa south og central runways.
Gireport na kini sa Civil Aviation Department sa Air Accident Investigation Authority nga mao ang magtabang sa pag-imbestigar sa nahitabo nga insidente.
