GENSAN– Gisiguro sa DepEd Gensan nga makaangkon ug maayo og luwas nga billeting quarters ang mga delegasyon sa Batang Pinoy nga gilangkoban sa mga atleta, coach og coaching staff.
Matud ni Ronald Radin, Division Sports Officer sa DepEd Gensan nga sila ang co-chairman alang sa billeting quarters og gitahasan usab alang sa parada nga matigayon sa opening ceremony.
Gibutyag niini nga mukabat sa 30 ka tulonghaan ang ilang naprepara diin 1,400 kini nga mga classrooms nga giandam alang sa mga delegasyon nga dili ma-akomodar sa mga hotels sa dakbayan.
Hugot nga kamandoan ni Schools Division Superintendent Isagani Dela Cruz nga masiguro nga andam ang mga billeting quarters sa dili pa sa Uktobre 19 nga maoy gipaabot nga sugod nga mag-abot ang mga delegasyon gikan sa lain laing lugar sa nasod.
