GENSAN– Nagkadaghan ang mga partners sa Bombo Radyo alang sa Dugong Bombo, a little pain a life to gain sa Nobyembre 15 ning tuiga.
Usa sa nagpadayag sa ilang commitment sa blood letting activity sa Robinsons Gensan ang Integrated Bar of the Philippines Gensan.
Ilang giawhag ang tanan nilang miyembro dinhi sa dakbayan sa mag-donate og dugo isip pakigtambayayong sa tumong sa Bombo Radyo, Bombo Radyo Philippines Foundation incorporated og Philippine Red Cross nga makatigom og daghang dugo nga makaluwas og daghang kinabuhi.
Gawas sa blood donation, ang IBP-Gensan ang magpahigayon usab og libre nga ‘notarial’ og legal consultations atol sa event.
Ang mga successful blood donor makaangkon ug Dugong Bombo Tshirt, nay hotmeals o lugaw og drinks pang-replenish sa lawas apil Dugong Bombo certificate.
