Pres. Marcos planong muadto sa mga naapektuhan sa linog

Nagplano si Presidente Ferdinand Marcos Jr. nga mobisita sa “ground zero” diin ang magnitude 6.9 nga linog miigo sa Sugbo.

Matod ni Presidential Communications Office Chief Dave Gomez, daghang mga cabinet secretaries ang niadto sa mga grabeng naapektuhan sa linog.

Dugang pa ni Gomez nga dako ang kasubo sa presidente ug nipadayag sa iyang pahasubo sa mga biktima.

Gipasalig usab sa presidente nga tabangan sa nasudnong kagamhanan ang mga local government units nga apektado sa linog.

Gimandoan usab dayon sa Presidente ang mga pangulo sa frontline nga ahensya sa gobyerno nga tabangan dayon ang mga naapektuhan sa linog.