PCO magmonitor sa pagkaylap sa fake news kalabot sa linog

Gipasalig sa Presidential Communications Office (PCO) nga higpit nilang bantayan ang pagkaylap sa fake news kalabot sa 6.9 magnitude nga linog nga miigo sa Sugbo.

Matod ni Presidential Communications Office (PCO) Secretary Dave Gomez, hugot nga gimandoan sila pagsiguro nga husto ang impormasyon nga ipaabot sa mga katagilungsod.

Gitataw ni Gomez nga ang kamandoan ngadto kanila mao ang pagsiguro nga sakto ug updated ang mga impormasyon nga gipagawas kalabot sa linog ilabi na ang mga natala nga aftershocks aron dili maalarma ang publiko.

Gimanduan usab ang PCO sa pagsiguro nga ang tanang gihimo ni Presidente Ferdinand Marcos Jr. ug sa mga cabinet secretaries kalabot sa pagtubag sa kusog kaayong linog makaabot sa publiko sa tukmang panahon.