Nagpahibalo si Senate President Pro Tempore Panfilo Lacson nga ilang imbitahon ang ni-resign nga Rep. Elizaldy Co ug kanhi Speaker Martin Romualdez sa sunod nga pagdungog sa Senate Blue Ribbon Committee bahin sa korapsyon luyo sa anomalosong mga flood control proects .
Si Lacson niingon nga kini makawagtang sa sayop nga pagtuo sa pipila ka mga sektor nga ang Blue Ribbon Committee adunay bias, pabor, o nanalipod sa pipila ka personalidad.
Alang kang Romualdez, si Lacson miinsister nga ang imbitasyon iduso ngadto kang House Speaker Faustino Dy III.
Matod ni Lacson, kasamtangang nagpaabot ang komitiba sa pipila ka kalambuan sa kaso sa dili pa itakda ang sunod nga pagdungog.
Matod niya nga ipadayon sa Blue Ribbon Committee ang mga hearing basta adunay bag-ong importanteng panghitabo nga kinahanglang tan-awon.
Gitataw ni Lacson nga iyang huptan ang gitawag nga blindfold mentality — buot ipasabot, patas siya ug mosunod kon asa paingon ang ebidensya.
Sakit pa gani para niya nga makita ang pipila niya ka mga kauban nga nalambigit sa isyu, bisan og dili niya mapugngan ang mga resource person sa pagsulti.
