GENSAN- Gibutyag ni City Mayor Lorelie Pacquiao nga klaro ug lig-on ang ‘existing’ nga ordinansa nga nagtakda kung pila ra ang bayronon nga angay sa katawhan, labi na sa mga pampublikong ospital sama sa Dr. Jeorge P. Royeca Hospital.
Giklaro sa mayor nga dili gyud mahimong ma-zero balance billing ang pasyente kon gikan kini sa mga pribadong ospital tungod sa limitasyon sa kapasidad sa lokal nga kagamhanan.
Dugang pa niini nga padayon ang iyang administrasyon sa pagpaningkamot aron mapalapdan pa ang coverage sa ‘No Balance Billing’ aron mas daghan ang matabangan.
Gipahimangno usab ni Mayor Pacquiao nga ang No Balance Billing program dili mausab sa mga pribadong ospital apan tibuok ang pasalig nga sa mga pampublikong pasilidad sama sa Royeca Hospital, padayon ang serbisyo nga walay bayad para sa mga kabus nga residente.
