GENSAN– Matod ni Atty. Rey Cartojano, naa sa husto nga dalan ang gihimong lakang sa gobyerno sa pag-imbestiga sa mga anomalya sa flood control projects ubos sa Department of Public Works and Highways nga gipangulohan ni Secretary Vince Dizon.
Nasayran nga si Sec. Dizon, nagpasaka og kasong criminal sa Ombudsman batok sa mga opisyal sa DPWH og mga kontratista.
Gibutyag ni Atty. Cartojano nga ang maong inisyatibo kinahanglan nga adunay lig-on nga suporta gikan sa Senado ug sa Kamara pinaagi sa ilang paspas ug hapsay nga pagsusi sa kaso.
Nanghinaut si Cartojano nga adunay klaro ug maayong resulta ang imbestigasyon, pinaagi sa pagpasaka og kaso batok sa mga opisyal o kontraktor nga nalambigit sa pagpangawat sa pondo nga gikan sa gibayad nga buhis sa katawhan.
Iyang gipasabot nga ang tanang desisyon sa maong proseso angayang magpabilin nga nakabase sa lig-on nga ebidensiya aron mahimong patas ug makatarunganon ang hustisya.
