Kapin 3,000 ka pamilya ang naapektuhan sa pagkusog sa Bagyong Isang base sa pinakabag-ong report sa Department of Social Welfare and Development (DSWD).
Apektado ang pipila ka rehiyon sa Luzon ug Visayas diin nakasinati og pagbaha, kusog nga hangin ug landslide tungod sa maut nga panahon.
Sumala sa DSWD, andam na ang mga family food packs ug uban pang relief assistance alang sa mga pamilya nga kasamtangan nagpuyo sa mga evacuation center.
Padayon usab ang koordinasyon sa mga lokal nga panggamhanan aron masiguro nga walay pamilya nga malaktawan sa pag-apod-apod sa tabang.
Gipahibalo usab sa ahensya nga andam sila motubag kung motaas pa ang ihap sa naapektuhan.
Samtang, gihangyo sa DSWD ang publiko nga magpabilin nga alerto ug motuman sa mga pahimangno sa mga otoridad ilabina sa mga lugar nga delikado sa baha ug landslide.
