Nihangyo ang kampo ni Vice President Sara Duterte sa Korte Suprema nga ibasura ang motion for reconsideration (MR) nga gisang-at sa House of Representatives.
Ang nasangpit nga MR nga gisang-at sa Kamara nahitabo human gi-invalidate sa SC ang articles of impeachment batok sa bise presidente.
Base sa 27 ka panid nga komento, ang MR nga gisang-at sa House of Representatives giisip nga kulang sa merito.
Ang MR sa Kamara nipasangil nga adunay tinuod nga mga sayop sa desisyon sa SC, nga naghimo sa ikaupat nga impeachment nga kompleto kon itandi sa miaging tulo.
Sa laing bahin, miinsister si VP Sara nga daw nagpakabuta-bungol ang Kamara sa desisyon sa labaw’ng hukmanan ug tataw nga diversion lang kini.
Kahinumduman nga niadtong Hulyo, gibabagan sa SC ang impeachment trial sa Senado tungod sa paglapas sa probisyon sa pagpasaka og kapin sa usa ka reklamo sulod sa usa ka tuig.
Niadtong Pebrero, ang House of Representatives misang-at og impeachment motion batok sa bise presidente tungod sa korapsyon, fraud, ug assassination plot batok kang Presidente Ferdinand Marcos.
