Gikumpirma sa Samahang Basketbol ng Pilipinas (SBP) nga si Quentin Millora-Brown giila sa FIBA isip usa ka lokal nga magdudula.
Si SBP president Al Panlilio niingon nga dako kini nga balita sa Gilas Pilipinas kon maapil sila.
Tungod niini, mahimo nang malakip si Millora-Brown sa lineup sa mga lokal nga magdudula sa Gilas Pilipinas.
Una nang niingon si Gilas coach Tim Cone nga dako og ikatabang kanila kon makauban nila si Millora-Brown.
Nakadula na siya sa Gilas sa ilang exhibition game batok sa Macau Black Bear sa wala pa sila mosalmot sa FIBA Asia Cup nga gipahigayon sa Jeddah Saudi Arabia.
Ang 6-foot-10 nga si Millora Brown natao sa US ug apo sa usa ka Filipino nga doktor.
Sa miaging tuig, siya ang yawe sa pagtabang sa University of the Philippines Fighting Maroons nga makadaog sa UAAP Season 87 men’s basketball title.
