Comelec maglusad og imbestigasyon sa pagdawat og campaign fund sa pipila ka pulitiko gikan sa mga kontraktor

Maglusad ang Commission on Elections (COMELEC) og imbestigasyon nga adunay kalabotan sa mga donasyon sa mga kontratista sa gobyerno sa mga midagan nga kandidato.

Kini human sa pagbulgar sa pipila ka magbabalaod nga nakadawat matod pa og mga campaign funds ang pipila ka kandidato gikan sa pangulo sa usa ka construction company.

Matod ni COMELEC Chairman George Garcia, nga musentro ang imbestigasyon kabahin sa naasoy nga mga alegasyon og ibase kini sa pag-angkon sa pipila ka mga opisyal.

Apan giklaro niya nga nalatid sa Section 95 sa Omnibus Election Code nga ang mga contributors o donors ang maoy panubagon.

Naglaum usab si Garcia nga adunay maghatag og mga dokumento aron makatabang sa dagan sa imbestigasyon.