Andam na nga magpakasal ang inahan ni People’s Champ Manny Pacquiao nga si Dionisia Pacquiao ug ang iyang long time boyfriend nga si Michael Yamson.
Ingon sa duha dihang gipangutana sila sa usa ka vlog. Sumala pa ni Mommy Dionesia nga aduna na usab silay wedding ring.
Kahinumduman nga daghan ang misaway sa relasyon sa duha tungod sa dako nilang age gap, apan kini ang wala nila panumbalinga ug nagfocus sailang relasyon.
Matod ni Yamson nga usahay di na nila mapugngan ang uban nga mag-komento nga sobra ug below the belt na, apan karun ang wala na niya tagda ug gipasagdan na lang ang mga nasampit nga mag hatag ug komento.
Unang gisa-publiko ni Mommy Dionisia ang ilang relasyon kaniadtong 2014. Ang duha nagselebrar sailang 11th anniversary kaniadto lang Pebrero.
