Gipaklaro ni Bombo International Correspondent Hannah Galvez sa Japan, nga tungod summertime pa karun sa Japan daghan ang mga turistang anaa sa mga baybayon hinungdan nga ing-ato ang nahimong aksiyon sa otoridad sa Japan human sa nasinatian nga kusog nga linog sa Russia.
Asa lakip ang Japan sa apektadong mga nasud nga nagpagawas dayon ug Tsunami warning diin gimadoan ang katawhan nga muadto sa mga luwas nga lugar ug taas nga bahin.
Dugang pa ni Galvez nga wala nag panic ang mga residente sa Japan tungod daghan nang mga kalamidad ang ilang nasinatian. Samtang batasan na usab sa mga hapon nga kanunayng naga pangandam sa mga posibleng mga kalamidad nga muigo sailang nasud asa suportado kini sailang gobyerno.
Saysay pa ni Galvez nga anaa sa luwas ang katawhan sa Japan, walay natala nga casualties ug kadaot sa mga imprastratura gumikan naga sunod sila sa mga advisories.
