-- ADVERTISEMENT --
Gipaklaro karon sa Department of Foreign Affairs (DFA) nga ang umaabot nga pagbisita ni Pangulong Ferdinand Marcos Jr. sa Estados Unidos resulta sa imbitasyon mismo ni President Donald Trump.
Matod ni Foreign Affairs Secretary Theresa Lazaro, si Marcos ra ang unang lider sa ASEAN nga gimbitahan ni Trump sa White House. Magpabilin si Marcos sa Blair House, ang opisyal nga presidential guest residence sa White House.
Ang maong pagbisita nakatakda sugod Hulyo 20 hangtod 22, diin gilauman nga hisgutan sa duha ka lider ang pagpaningkamot sa paglig-on sa relasyon tali sa US ug Pilipinas.
Ang maong pagbisita nasundan human sa pagpatuman ni Trump og 20 porsyentong taripa sa mga produkto nga gikan sa Pilipinas ug giexport ngadto sa US.
-- ADVERTISEMENT --
