2 ka suspek arestado human nakuhaan og kapin sa P265,000 nga illegal nga droga

GENERAL SANTOS CITY- Nabilanggo karon sa selda ang duha ka mga drug suspect ang nasikop atol sa gipahigayon nga anti-illegal drug operation sa Barangay Fatima sa miaging Hulyo 10, 2025.

Nasikop sa maong operasyon ang duha ka indibidwal nga giila nga silang alyas nga “Trish”, legal age, ug “James”, 28 anyos nga mga residente sa maong barangay.

Nakuha gikan sa mga suspek ang duha ka pakete sa gituohang shabu nga adunay gimbug-aton nga 39 ka gramos.

Ang kantidad niini gibana-bana nga moabot sa P265,200.00 base sa national standard drug price.

Gipasidunggan ni PBGEN ARNOLD P. ARDIENTE, Regional Director sa PRO 12, ang tanang sakop sa operatiba sa pagpaningkamot aron nga masumpo ang illegal nga droga.