Usa ka 21-anyos nga babaye sa U.K., ang nahimong pinakabata ug pinaka -una nga babaye nga mag-inusara nga nakatabok sa Atlantic Ocean sakay sa gamay nga bangka.
Nagbyahe si Zara Lachlan sakay sa bangka ang 4,366 ka milya gikan Lagos, Portugal padulong sa Cayenne, French Guiana. Nilungtad ang iyahang byahe ug 97 ka adlaw.
Tungod niini nakatala si Lachlan ug tulo ka Guinness World Records titles: First female to row across the Atlantic from Europe to South America (mainland to mainland), youngest person to row solo across the Atlantic from Europe to South America, ug youngest person to row any ocean solo
Gawas sa hilabihang kakapoy ug kuwang sa tulog , halos 17 ka oras ang iyang pagbugsay sa usa ka adlaw ug mopahuway lang siyag kadiyot, ug dili muabot ug 90 minutos ang iyahang tulog.
Matud kang Lachlan, nagtuo siya nga mahadlok siya sa tunga sa dagat , apan ang iyahang kasinatian mas lingaw ug kulbahinam
Matud pa niini nga lisod ang biyahe pero nakaya niya tungod bata pa siya ug naanad sa grabeng mga pagsulay.
Karon, nagsilbi siyang inspirasyon sa kadaghanan nga bisan daw makahadlok ug imposible, makab-ot gihapon ang mga damgo basta adunay determinasyon.
